Është nisur anija e parë me refugjatë afrikanë nga Italia drejt brigjeve të Shëngjinit për t’u strehuar në kampin e Gjadërit.
Grupi i parë i refugjatëve të kapur në brigjet e Italisë po sillen nga anija “Libra” e marinës italiane, teksa në vendin tonë pritet të mbërrijë ditën e mërkurë.
La Repubblica eaporton se në bord është krye një kontroll fillestar i personave që do të transferoheshin, për të verifikuar nëse ata plotësojnë kërkesat e përcaktuara në protokoll: të jenë me origjinë nga vende të sigurta dhe burra. Në krye të nismës është Ministria e Brendshme e Italisë.
Gratë, të miturit, personat e torturuar dhe të sëmurët dërgohen në Lampeduza dhe prej këtu vendosen në pricesin e pritjes që kërkesa e tyre për azil të shqyrtohet nga komisionet territoriale. Aktualisht në pritjes në Shëngjin janë gati vetëm 400 nga 880 vende.
Marrëveshja Rama-Meloni parashikon strehimin në dy kampet në Shëngjin dhe Gjadër, të refugjatëve burra dhe të rinj (pasi gratë dhe të miturit qëndrojnë në Itali) që kapen në ujërat ndërkombëtare nga autoritetet italiane.
Në kampin e parë pritet të bëhet verifikimi i të dhënave personale të refugjatëve, ndërsa në të dytën, ata duhet të qëndrojnë deri në përfundim të procedurave për azil. Të dy kampet parashikohet të jenë nën juridiksionin italian dhe ndërtimi dhe funksionimi i tyre do mbulohet financiarisht nga pala italiane.
Marrëveshja parashikon sjelljen në Shqipëri të 3 mijë refugjatëve në muaj, 36 mijë refugjatëve në vit, teksa është nënshkruar për 5 vite, me mundësi zgjatjen më tej me miratimin e të dy palëve.
