Kryeministri Edi Rama ka mbledhur ditën e sotme në Kryeministri, kryetarët e bashkive të vendit dhe ministrat e kabinetit qeveritar.
Për të justifikuar dështimin e pushtetit lokal dhe qendror, Rama e kishte një justifikim edhe për përmbytjet që u shkaktuan katër ditë më parë në Vlorë.
Si kurrë më parë qyteti bregdetar u shndërrua në imazhin më të shëmtuar të një “Venecie” ku çdo rrugë i ngjante një “lumi” të rrëmbyer që merrte përpara gjithçka duke shkatërruar banesa, bizneset por edhe orenditë apo elektroshtëpiaket.
“Fajin e ka Saliu” deklaronte para se të vinte në pushtet Edi Rama duke iu referuar përmbytjeve në Shkodër, kurse sot kreu i qeverisë aktuale pohon se ka ndryshuar klima dhe bie më shumë reshje shiu.
“Janë 4 pika me rëndësi të veçantë. Unë dua ta filloj nga emergjencat. Është fakt që gjatë verës do përballemi me zjarre dhe gjatë vjeshtës me përmbytje. E pamë çfarë çfarë ndodhi në Austri dhe kur u përmbyt Vlora. E pamë çfarë ndodhi në Bosnje. Ka një shpjegim të thjeshtë pertej analizave, se ka ndryshuar formacioni i reshjeve. Nuk ka infrastukturë sado ekselente të jetë që të absorbojë goditjen e parë. Ajo që nuk mund të neglizhojmë është dobësia që shfaqet në nivelin vendor qoftë për zjarrit dhe për përmbytjet”, tha Rama.
