Pas operacionit, kryeministri Edi Rama duket se është rikthyer në agjendën politike. Raportohet se kreu i qeverisë do të mbledhë kryetarët e Bashkive në një sesion që do të zhvillohet rreth orës 10:00 në Kryeministri.
Ky takim shënon vazhdimësinë e bashkëpunimit me pushtetin vendor dhe vjen disa muaj pas takimit të fundit, i cili u mbajt në muajin korrik. Një nga detyrat kryesore që u la atëherë për kryebashkiakët ishte përshpejtimi i procesit të legalizimeve.
Kryeministri Rama shpesh ka qenë kritik dhe ka kaërkuar rezultatet e punës në terren të kryebashkiakëve.
