Duket se është një “film” i përsëritur tashmë, ku mjaftojnë vetëm pak reshje shiu që Tirana të kthehet në një kaos. E njëjta gjë ka ndodhur edhe këtë të premte, kua kaosi ka filluar që prej orëve të mëngjesit dhe vazhdon aktualisht.
Pjesa më e madhe e rrugëve u kthyen si në Venecia, për shkak se sistemi i kanalizimeve nuk po e përballon dot nivelin e prurjeve, duke bërë që uji të dalë në sipërfaqe dhe të vërshojë nëpër rrugë. Qytetarëve iu duhet të kalonin mbi ujë mbi ujë për të shkuar në punë apo fëmijëve në shkoll, duke shkuar me këmbët e lagura.
Ndërkohë, sa i përket qarkullimit të automjeteve, Tirana ka çdo ditë trafik të rënduar, por e sotmja ishte edhe më stresuese për shoferët e kryeqytetit. Drejtuesve të automjeteve u duhen orë për të bërë pak kilometra për shkak të trafikut në çdo rrugë.
Siç shihet edhe në pamjet e mëposhtme, trafikut i rënduar ka sjellë dhe bllokimin e ambulancave në rrugë dhe e sotmja mund të quhet një ditë fatkeqe për pacientët që kanë patur nevojë për urgjenca mjekësore. Në dy videot e mëposhtme janë dy ambulanca të ndryshme të bllokuara në trafik në pak minuta.
Situata problematike vazhdon prej orësh, por reagimi nga ana e autoriteve, si nga Policia po ashtu edhe nga Bashkia e Tiranës ka qenë i vakët për t’i dhënë situatës një zgjidhje, duke e lënë Tiranën në kaos.
