KPK ka konfirmur në detyrë ndihmësin ligjor pranë Gjykatës së Apelit Ervin Xhihani.
Xhihani u konfirmua pas një seance dëgjimore të fokusuar te pasuria e prindërve dhe një denoncim mbi marrëdhëniet me një avokat që KPK nuk i ka gjetur problematike.
Komisioni i Pavarur i Kualifikimit i kërkoi ndihmësit ligjor pranë Gjykatës së Apelit Ervin Xhihani shpjegime mbi pasurinë e prindërve dhe një denoncim.
Ndihmësi ligjor pranë Gjykatës së Apelit të Juridiksionit të Përgjithshëm, Ervin Xhihani pranoi para Komisionit të Pavarur të Kualifikimit se ai nuk kishte prova për të rrëzuar barrën e provës mbi pamundësitë financiare të prindërve në krijimin e kursimeve në bankë dhe ndërtimin e një shtëpie, por tha se këto nuk duhej ta penalizonin pasi ishin krijuar para se ai të fillonte detyrën.
Seanca dëgjimore për Xhihanin ishte shtyrë nga Komisioni i Pavarur i Kualifikimit, KPK, më 12 shtator pas marrjes së dy denoncimeve dhe rifilloi të hënën më 30 shtator pasi trupa e përbërë nga komisionerët Brunilda Bekteshi, Olsi Komici dhe Suela Zhegu relatore kishte hetuar edhe mbi këtë çështje.
Xhihani mohoi pretendimet e denoncimit.
