Gjendet kutia e zezë e helikopterit të rrëzuar më 6 prill në ujrat e liqenit të Shkodrës.
Lajmi konfirmohet nga burime të grupit hetimor për Ora News. Burimet thanë se kutia e zëzë është dëmtuar në disa pjesë për shkak të përplasjes. Burimet i thanë Ora News se do të kërkojnë ndihmën e ekspertëve të huaj për rekuperimin e saj.
Dje polumbarët dhe ekspertët nisën të nxirrnin pjesë të helikopterit.
Në bordin e helikopterit EC 145 kanë qenë dy pilotë, kapiten Florian Deliaj, toger Donald Hoxha të cilët humbë jetën ndërsa u plagos ushtari profesionist Gerald Baramuca.
Po sot ministrja e Mbrojtjes urdhëroi hetim administrativ të rrëzimit të helikopterit. Ekspertët amerikanë por dhe të kompanisë prodhuese të helikopterit EC 145,mbërritën dje në Shqipëri.
