Mbrojtësi shqiptar, Maldini Kacurri, ka debutuar me ekipin e parë të Arsenalit mbrëmjen e djeshme. 18-vjeçari u aktivizua në Carabao Cup, në ndeshjen që Arsenali luajti ndaj Boltonit.
Kacurri zëvendësoi Calafiorin në minutën e 70 të sfidës që Arsenali fitoi me rezultatin 5-1. Talenti shqiptar është pjesë e të rinjve të Arsenalit, por për shkak të mungesave të shumta, Mikel Arteta e mori në ekipin e parë.
Sigurisht që një emër i tillë nuk mund t’i shpëtonte mediave italiane.
“Arsenal, debutim për Maldinin… Kacurri: I linduri shqiptar në vitin 2005 që ka emrin e tij falë Paolos”, shkruhet në titullin e “Tuttomercato”.
Më pas shkrimi vazhdon me: “Mbrëmjen e djeshme një Maldini debutoi me Arsenalin”.
Kujtojmë se Kacurri debutoi si zëvendësues në ndeshjen e Kupës Karabao. Mbrojtësi mori vendin e Kalafiorit në minutën e 70-të, teksa ra në sy për saktësinë e tij.
