Mëngjesin e kësaj të mërkure ka nisur shembja e objekteve në Shkodër për t’i hapur rrugë rikonstruksionit të hyrjes së qytetit.
Si fillim, fadromat e Inspektoriatit Kombëtar të Mbrojtjes së territorit kanë prishur një hotel, ndërsa gjatë ditës se sotme janë planifikuar edhe dy objekte të tjera për tu shembur.
Në total, janë 11 objekte pa leje për t’u shembur dhe 10 të tjera me leje por që presin procesin e shpronësimit, ku dhe aty do të ndodhë i njëjti proces.
Pas 21 bizneseve, do të prishen edhe 55 objekte banimi të komunitetit rom. Gjatë prishjes se objekteve, nuk ka pasur rezistencë dhe as reagime nga pronarët e tyre.
