21 biznese dhe 55 banesa të komunitetit rom, do të prishen në Shkodër për t’i hapur rrugë projektit për hyrjen e re të qytetit.
11 prej bizneseve pa leje, kanë nisur vullnetarisht sot prishjen dhe largimin e materialeve, ndërsa për 10 bizneset e tjera me leje, pritet dalja e vendimit për shpronësim.
Për prishjen e 55 banesave të komunitetit rom, bashkia e Shkodrës nuk ka marrë asnjë vendim për rehabilitimin dhe strehimin e tyre në banesa sociale. Tashmë që vjeshta po afron dhe dimri po “troket” në derë, familjet e komunitetit rom në Shkodër mbeten në “qiell të hapur”.
Hyrja e Shkodrës është një ndër shqetësimet më të mëdha të kryeqendrës së veriut pasi gjatë gjithë verës krijon radhë dhe trafik kilometrik.
