Java e katërt e Kategorisë Superiore u mbyll mbrëmjen e sotme me dy sfidat e fundit, Partizani–Dinamo dhe Elbasani–Laçi.
Në “Arenën e Demave” ndeshja Partizani – Dinamo përfundoi në barazim me rezultatin 2-2. Nga ana tjetër Elbasani u rikthye te fitorja pasi mposhti në shtëpi Laçin me rezultatin minimal 1-0.
Ndërkohë ditën e djeshme u luajtën edhe tre takimet e tjera të javës së katërt. Në stadiumin “Adush Muça” takimi Bylis – Tirana u mbyll në barazim 2-2. Vllaznia mundi në stadiumin “Loro Boriçi” Egnatian me rezultatin 3-1. Teuta u rikthye te fitorja pasi mposhti Skënderbeun në Korçë me rezultatin 3-2.
Pas përfundimit të javës së katërt, plot 4 ekipet e para ndodhen në kuotë të barabartë pikësh, ndërkohë që renditja kryesohet nga Elbasani, që ka golavarazh më të mirë.
Në kuotën e 7 pikëve gjithashtu ndodhen edhe Partizani, Vllaznia dhe Egnatia. Në pozita jo fort komode ndodhet Laçi me 2 pikë dhe mbyll tabelën.
Teuta dhe Bylisi kanë respektivisht nga 6 dhe 5 pikë, ndërsa 3 ekipet e tjera, Tirana, Skënderbeu dhe Dinamo kanë siguruar 4 pikë në 4 javë.
Rezultatet:
Klasifikimi:
