Një veliere është gjetur në breg të detit nga Policia Kufitare në fshatin Karpen të Kavajës, teksa nuk kishte asnjë person në borg.
Autoritetet policore raportojnë se brenda saj janë gjetur dhe sekuestruar një armë zjarri pistoletë tip “Walther”, një krehër pistolete, municion luftarak, dy celularë, nj laptop dhe dokumentet e mjetit lundrues.
Gjithashtu, gjat kontrolli të mjetit lundrues është gjetur dhe një një pasaportë gjermane me gjeneralitetet F. R., 85 vjeç.
Sipas Policisë, nga verifikimet e kryera në bashkëpunim me Guardia di Finanza-n paraprakisht rezulton se mjeti lundrues është nisur nga Bari, Itali, me drejtim Kroacinë, fillimisht me lundrim normal dhe më pas me lëvizje të çrregullta. Dyshohet se drejtuesi i mjetit ka rënë në det për shkak të dallgëve.
“Grupi hetimor i ngritur për këtë rast po bashkëpunon me Interpol Tiranën, për verifikimin e të dhënave të pasaportës që është gjetur në mjetin lundrues, me qëllim sqarimin e rrethanave të këtij rasti dhe përcaktimin e vendndodhjes së poseduesit të pasaportës, i cili dyshohet të jetë drejtuesi i mjetit lundrues.
Nga veprimet e para hetimore dyshohet se drejtuesi i velieres mund të ketë rënë në det, për shkak të dallgëve të larta të shkaktuara nga moti i keq.” – thuhet në njoftimin e Policisë.
Materialet procedurale i kaluan Prokurorisë së Durrësit për veprime të mëtejshme.
