Një shqiptar, identiteti i të cilit nuk bëhet i ditur, u arrestua nga policia greke, ndërsa dyshohet se është autori i goditjes brutale me thikë të një 35-vjeçari, gjithashtu shqiptar, ngjarje e ndodhur të shtunën e kaluar në rrugën “Minoos” në zonën e Therisos në Irakleo.
Ndaj të riut ishte lëshuar një urdhër-arresti për tentativë vrasje dhe sipas informacioneve, ai është paraqitur mëngjesin e së mërkurës në policinë e Irakleos i shoqëruar nga një avokat dhe është dorëzuar.
![E23a44de 5332 47b1 824d C899696900a7](https://www.balkanweb.com/wp-content/uploads/2024/09/e23a44de-5332-47b1-824d-c899696900a7.jpg)
Për arsye ende të paqarta, i riu ka sulmuar 35-vjeçarin duke e goditur me thikë në bark dhe duke i shkaktuar dëmtime në shpretkë dhe mëlçi.
35-vjeçari është rrëzuar në rrugë i gjakosur, ndërsa sulmuesi ka ikur. 35-vjeçari, i cili sipas informacioneve ka një të kaluar të pasur kriminale, ndodhet ende i shtruar në spital, ndërsa i riu i dorëzuar pritet të vihet para drejtësisë.