Lideri i opozitës Sali Berisha ka dalë nga banesa e tij për t’u paraqitur në SPAK. Ai ka folur shkurtimisht për mediat, në këtë dalje të tij të dytë që nga izolimi i tij më 30 dhjetor të vitit të kaluar, ku për herë të parë ai ka dalë nga banesë më 23 janar dhe sërish arsyeja ishte e njëjtë për t’u paraqitur në Prokurorinë e Posaçme.
“Beteja vijon! Beteja pa kthim vazhdon.
Ndihem më i motivuar se kurrë për fitore dhe për të gjitha.
Sot pres një vendim politik të Edi Ramës, i cili ka zgjedhur mënyrën atrore për të siguruar mandatin e katërt, por ata do tja djegim.“- tha Berisha.
Pyetje: A keni kandidat rezerve për kryeministër nëse gjerat shkojnë keq?
“Këtë e do Edi rama, por jo nuk do ja caktojnë kurrë as kandidatin, as kryeministrin dhe as kryetarin e PD.”– tha Berisha.
Sali Berisha dhe dhëndri i tij Jamarbër Malltezi janë marrë të pandehur për abuzime me privatizimin e pronave te ish-Kompleksi “Partizani”.
Berisha është nën hetim për veprën penale e “Korrupsionit pasiv të funksionarëve të lartë shtetërore ose të zgjedhurve vendorë parashikuar nga neni 260 e 25 i Kodit Penal.
