Është çelur sesionin e ri parlamentar.
Fillimisht Elisa Spiropali ka kërkuar që të gjithë deputetët të ngrihen në këmbë për të respektuar himin kombëtar, më pas kryetarja e kuvendit i është drejtuar foltores për të mbajtur fjalimin hapës.
Elisa Spiropali ka folur një socialiste e devotshme duke harruar “postin” e neutralitetit që duhet të mbajë kryetarja e Kuvendit.
Në një moment gjatë fjalës propaganduese, Spiropali ia plas të qeshurës, pasi mesa duket as vetë nuk i beson ato që po lexon duke vendosur theksin se “Shqipëria ka bërë progres me qeverisjen e Ramës”.
“Vetëm të verbrit nuk shohin se kohët kanë ndryshuar. Se vetë Shqipëria ka ndryshuar në mënyrë të pakrahasueshme me një dekadë më parë. Ka ndryshuar qytetarët dhe pritshmëritë e tyre”, tha Spiropali e cila qeshte gjatë fjalës së saj.
Pamjet video të publikuara nga Dosja:
- Spiropali fton opozitën: Merrni vendin dhe përgjegjësitë tuaja në komisionet e posaçme!
Më tej, Spiropali ftoi opozitën t’i bashkohet komisioneve të posaçme parlamentare dhe të marrin përgjegjësitë e tyre.
‘’Do të vijojnë punën dy komisionet e posaçme, qëllimi i të cilëve është avancimi i reformave, në mënyrë që të mos ketë asnjë kthim mbrapa. Mbështetja dhe fuqizimi i institucioneve të pavarura dhe i pavarësisë së degëve të qeverisjes, që ato të rrisin përgjegjshmërinë dhe transparencën para vendit dhe qytetarëve.
Pozitive të bashkëpunojmë për komisionet hetimore, sepse bashkarisht duhet të zbulojmë gabimet e punës së institucioneve dhe të nxjerrim përgjegjësitë. Opozita të marrë vendin dhe përgjegjësitë e saj në këto komisione të posaçme. Të provojmë se jemi ligjvënës të denjë, bashkëndërtues të institucioneve dhe bashkëmbrojtës të vlerave demokratike
Të shndërrojmë Kuvendin në një hapësirë lirie, por edhe në arenën e një ushtrimi të vështirë përgjegjësie dhe përgjegjshmërie Shqyrtimi i vendimeve të Gjykatës Kushtetuese do të jetë një ndër prioritetet e Kuvendit gjatë këtij sesioni. Rritja e përgjegjshmërisë, produktivitetit, transparencës dhe llogaridhënies së Kuvendit përpara qytetarëve do të jenë prioritet i Kuvendit edhe gjatë këtij sesioni.
Mbikëqyrja dhe kontrolli parlamentar, sidomos nga opozita, do të jenë një prioritet i Kuvendit’’, tha Spiropali.
