Pas 12 viteve me ekipet e mosha të Juventusit, shqiptari Luis Hasa largohet nga bardhezinjtë duke kaluar te Lecce, aty ku do të gjejë edhe Medon Berishën e Ylber Ramadanin.
Tashmë në moshën 20-vjeçare, Hasa do të provojë të konkurrojë mes më të mirëve të Serie A, ndërsa sezonin e fundit ishte pjesë e skuadrës së dytë të Juventusit, e cila militon në kategorinë e tretë italiane.
Gjatë sezonit të fundit, Hasa luajti 40 ndeshje në Serie C dhe Kupën e Italisë, duke shënuar dy gola, ndërsa dhuroi edhe 7 asiste.
Deri tani, Hasa ka luajtur me ekipet e moshave të Italisë, por gjatë muajve të fundit është folur shumë se ai do t’i bashkohej Shpresave të Shqipërisë, por sërish mungoi në listën e publikuar dy ditë më parë nga Alban Bushi për sfidën ndaj Zvicrës.
