Kryeministri Edi Rama ka folur për një marrëdhënie të re me shtetet si Indonezia apo Filipinet, që sipas tij në këto vende po trokasin edhe anëtaret e BE për fuqi punëtore.
Sipas kryeministrit Rama, këto dy vende kanë një interes të madh për Shqipërinë për punëtorë.
“Nga ana tjetër kemi arsye të qenësishme për të besuar dhe investuar në hapjen e dyerve të misioneve tona të reja qoftë në Indonezi për të mbuluar atë pellg atje. Me Indonezinë kemi vendosur një marrëdhënie që ka një potencial të madh, ka një interes të madh për ne, ashtu si edhe me Filipinet, pasi të gjitha vendet e BE janë duke trokitur në ato dyer për forca pune. Kjo marrëdhënie është shumë e rëndësishme. Radha është shumë e gjatë, por duke qenë një vend i vogël duke arritur të kultivojnë sic duhet raportet që përcaktojnë edhe shkallën e vëmendjes ndaj vendeve më të vogla, besoj se do bëjmë kapërcime të radhës”, tha Rama.
Ndërkohë vlen të theksohet se opozita akuzon kryeministrin Edi Rama se gjatë qeverisjes së tij 11 vjeçare ka përzënë nga vendi mbi 1 milionë shqiptarë. Kjo është e vërteta e hidhur që “Rilindja” e Edi Ramës i ka sjellë shqiptarëve në këto 11 vite qeverisje.
