Gjykata e Posaçme ka marrë vendimin në lidhje me masën e sigurisë ndaj Arben Lamçes, pjesë e grupit të vëllezërve Çopja.
GJKKO vendoi “Arrest me burg” për Lamçen, i cili sipas SPAK, është personi që do të siguronte kushtet për vrasjen e Nuredin Dumanit për llogari të vëllezërve Çopja.
Sipas SPAK gjatë periudhës tetor-nëntor të vitit 2020, 50-vjeçari ka siguruar kushtet për të kryer vrasjen e Nuredin Dumanit. Lamçja është personi që administronte edhe një pjesë të shumave monetare që vëllezërit Çopja siguronin nga aktiviteti kriminal dhe më pas këto para i investonte.
50-vjeçari u arrestua më 4 gusht në Kosovë për llogari të një vendimi të Gjykatës së Posaçme, që caktoi ndaj tij masën e sigurisë arrest në burg në mungesë.
Lam֛çja informon porositësin e vrasjes Franc Çopjan se personi e ka marrë përsipër vrasjen dhe ka filluar ndjekjen së bashku me njerëzit e tij. Për kapjen e Dumanit rezulton të jenë ofruar 250 mijë euro dhe për eliminimin fizik të tij 500 mijë euro. Gjithashtu Arben Lam֛çja akuzohet nga SPAK, se për llogari të tij, ka pastruar para që kanë pasur burim veprimtari kriminale.
