Një helikopter sportiv i hapur (në formë deltaplani) u rrëzua në det, buzë plazhit në Marina di Minturno të Italisë.
Sipas mediave të huaja, të cilat kanë publikuar edhe pamjet nga momenti, kjo ngjarje për pak sa nuk shkaktoi një tragjedi të vërtetë.
Ngjarja ndodhi në Latina, ditën e djeshme (22 gusht), rreth orës 20:00 të mbrëmjes dhe për fat të mirë në plazh kishte vetëm pak pushues që u bënë edhe dëshmitarë.
Në pamjet e aksidentit të publikuara nga “La Repubblica” publikoi shihet mjeti fluturues që kalon mbi vijën e plazhit ku ndodhen dhjetëra pushues dhe më pas rrëzohet aty ku dallgët puthiten me bregun.
Me shumë mundësi piloti u detyrua të bënte një ulje emergjente për shkak të një defekti të mundshëm të mjetit fluturues. Pushues të shumtë u bënë dëshmitarë të përplasjes, nga e cila piloti fatmirësisht shpëtoi i padëmtuar.
