Personat që shihni në foto janë çifti i huaj dhe dy qentë e tyre, të cilët humbën jetën paditen e djeshme në Tiranë, në një ngjarje horror.
Amerikani, Mathew James Werts, i cili punonte si mësues në një shkollë në private kryeqytet, ka vrarë fillimisht gruan e tij nga indonezia, Saragih Indah Lilis Sartika, dy qentë e tij dhe më pas veten.
Çifti kishte 10 vite që jetonin në Tiranë, në një banesë me qira. Ndryshe nga bashkëshorti, 48-vjeçarja rrinte mbyllur në shtëpi dhe nuk dilte. Edhe pse ajo kishte 1 dekadë që jetonte këtu, nuk e njihte fare Tiranën.
Madje asaj nuk i lejohej të takonte persona të tjerë, vetëm në rastet kur bashkëshorti ishte në shtëpi mund ta vizitonin. Policia ka gjetur edhe një letër lamtumire që autori kishte lënë në banesë, ku tregonte të gjitha veprimet që kishte ndërmarrë. Ai u kërkonte falje familjarëve të tij që nuk mundi dot t’ia dilte.
‘Më falni për veprimin ekstrem. Jam i paburrë dhe nuk ia dola dot të heq dorë nga veset’. Këto janë disa nga fjalët që shtetasi amerikan Mathew James Werts kishte shkruar në një letër para se ti jepte fund jetës duke u vetëvarur brenda apartamentit të marrë me qira në afërsi të Laprakës në Tiranë.
Brenda letrës 55-vjeçari përshkruante edhe vrasjen e gruas së tij si dhe disa borxhe që kishte, çka bëri që hetuesit të kuptonin se brenda apartamentit nuk kishte vetëm vetëvrasje, por fshihej një tjetër krim.
Pasi kontrolluan mirë banesën, agjentët gjetën në një cep të dhomës disa rroba dhe batanije të hedhura. Në fund të tyre ishin dy qentë që shtetasi amerikan i kishte vrarë me shkop bejsbolli dhe poshtë tyre trupin e pajetë të gruas së tij. Kjo e fundit ishte me origjinë nga Indonezia, por kishte gjithashtu shtetësi amerikane.
Krimi u zbulua pasi drejtori i shkollës ku ishte punësuar Mathew James Werts, shkoi në polici duke thënë se mësuesi nuk ishte paraqitur në punë, duke bërë që efektivët të shkonin për kontroll në banesë.
Paraprakisht dyshohet që ngjarja të ketë ndodhur në kushtet e depresionit, pasi shtetasi i huaj besohet se vuante prej kohësh nga problem të shëndetit mendor./ Syri.net
