Policia e Lezhës ka arrestuar një 43-vjeçar, i cili akuzohet se kishte kultivuar në pyll 250 bimë kanabisi, si dhe posedonte fara kanabisi, me qëllim kultivimin e tyre.
Në kuadër të operacionit policor të koduar “Gjashi” është vënë në pranga shtetasi Filip Tetaj, banues në fshatin Mërqi.
Ai është kapur në flagrancë duke u kujdesur për 250 bimë kanabisi të kultivuara në pyll, në afërsi të fshatit Gjash. Më tej, gjatë kontrollit në një ambient në pronësi të 43-vjeçarit, Policia ka gjetur dhe një sasi farash kanabisi që dyshohet se posedoheshin me qëllim kultivimin.
Materialet procedurale i kaluan Prokurorisë së Lezhës për veprime të mëtejshme.
