Një 33-vjeçar është ekstraduar ditën e sotme nga Frankfurti i Gjermanisë në Shqipëri, pasi është dënuar me reth 2 vjet burgim, për posedim pa leje, të dy armëve të zjarrit nga Gjykata e Apelit të Shkodrës.
Bëhet fjalë për shtetasit Akil Qeleposhi, lindur në Bajram Curri, teksa ekstradimi i tij është bërë e mundur pas bashkëpunimit të Interpol Tiranës me Interpol Wiesbaden
“Gjykata e Apelit e Shkodrës, në vitin 2022 e ka dënuar këtë shtetas, me 23 muaj e 7 ditë burgim, për veprën penale “Mbajtja pa leje dhe prodhimi i armëve, armëve shpërthyese e municionit”, pasi:
Gjatë një kontrolli në një lokal në Bajram Curri, në vitin 2020 Policia i gjeti me vete një pistoletë dhe municion luftarak, ndërsa në banesë i gjeti një kallashnikov dhe municion luftarak.” – thuhet në njoftimin e Policisë.
33-vjeçari iu dorëzua Drejtorisë së Përgjithshme të Burgjeve, për veprime të mëtejshme procedurale.
