E ardhmja e Scott McTominay është ende një pikëpyetje dhe mund të mos zgjidhet deri në përfundimin e merkatos verore.
Erik Ten Hag foli me entuziazëm për cilësitë e mesfushorit skocez gjatë turneut në SHBA, por lojtari është gjithashtu një nga emrat kryesor për t’u larguar nga klubi, pasi drejtuesit pretendojnë të fitojnë nga transferimi i tij.
Manchester United ka bërë me dije se për mesfushorin kërkon jo më pak se 30 milionë euro, ndërsa Fulham mbetet skuadra më e interesuar për shërbimet e tij.
Gjithashtu, nga Premier League Everton dhe Brentford kanë bërë sondazhe për të, ndërsa skocezi ka pasur kontakte edhe me Napolin në Serie A.
Një situatë kjo që ka vendosur disi në tension si klubin, por edhe lojtarin, e këtë të fundit që rrezikon sezonin pasi nuk shihet shumë si titullar, e në krahun tjetër drejtuesit e kuptojnë se çdo ditë që kalon është një humbje në lidhje me këtë temë.
Me merkaton drejt fundit, Manchester United është i hapur për oferta edhe për disa lojtarë të tjerë, si Jadon Sancho, Antony, Lindelof apo edhe Casemiro.
