Vllaznia ka bërë një tjetër blerje në merkato, bëhet fjalë për një qendërsulmues senegalez. 26-vjeçari Matar Dieye është afrimi i rradhës te shkodranët dhe tashmë mbetet vetëm zyrtarizimi nga ana e klubit.
Qendërsulmuesi vjen pas aktivizimit te klubi i Bellinzona në Zvicër, teksa sezonin e kaluar, ai ka luajtur në 16-javë.
Dieye është aktivizuar si titullar në 5-ndeshje dhe në 11-të tjera ka hyrë në lojë si zëvendësues, duke marrë 497-minuta në fushë, teksa ka arritur të shënojë edhe një gol me Bellinzonen.
Ndërkohë që, më parë sulmuesi senegalez ka luajtur edhe për ekipe si Kups në Finlandë, Debrecenin në Hungari, Goricën në Kroaci, Olimpik Donetsk në Ukrainë dhe Karapaty Liev.
