Kryeparlamentarja Elsia Spiropali ka vendosur që të mbledhë Këshillin për Legjislacionin, pas kërkesës së Partisë Demokratike për mbledhjen urgjente të Kuvendit në një seancë të jashtëzakonshme lidhur me vendimin e Gjykatës Kushtetueses për mandatin e Olta Xhaçkës.
Mbledhja e Këshillit të Legjislacionit ku do të shqyrtohet kërkesa e grupit parlamentar demokrat që është firmosur nga 29 deputetë, do të zhvillohet në orën 11:00.
Deputetët e PD-së në kërkesën e tyre shpreheshin se Kuvendi ka krijuar terrenin për krizë kushtetuese duke mos i hequr mandatin ish-ministres së Jashtme.
Njoftimi i Kuvendit:
Të nderuar kolegë,
ju njoftojmë se në datën 27 Gusht, ora 11:00, në Kryesinë e Kuvendit, do të zhvillohet jashtë sesionit parlamentar, mbledhja e Këshillit për Legjislacionin. (Urdhër Nr. 54, datë 08.08.2024, i Kryetares së Kuvendit, znj. Elisa Spiropali.)
Këshilli për Legjislacionin do të mblidhet për të shqyrtuar vendimin nr. 55, datë 10.07.2024, të Gjykatës Kushtetuese.
Faleminderit!
Lexo edhe:
PD kërkon seancë të jashtëzakonshme në Kuvend: Të zbatohet vendimi i Kushtetueses për Xhaçkën
