Dejvi Bregu është zyrtarisht lojtari më i ri i Dinamos
Lajmin e ka bërë publik vetë klubi që nëpërmjet një postimi në rrjetet sociale ka njoftuar nënshkrimin e sulmuesit vlonjat, që ka firmosur për tre vitet e ardhshme.
“Dejvi Bregu vishet blu!
Dinamo ka kënaqësinë të njoftojë afrimin e një emri të njohur të futbollit shqiptar, si Dejvi Bregu. Presidenti Adrian Bardhi ka bërë goditjen e madhe, duke firmosur një kontratë 3-vjeçare me sulmuesin vlonjat.
Bregu luan në të dy krahët e sulmit, por edhe si numër 10. Futbollisti 28-vjeçar është aktivizuar në vendin tonë me Flamurtarin, Luftëtarin, Skënderbeun dhe Teutën. Ai ka luajtur gjithashtu në dy kampionate të huaja, në Turqi dhe në Poloni.
Dinamo siguron kështu një lojtar cilësor me eksperiencë, që pritet ta ndihmojë për arritjen e objektivave të sezonit të ardhshëm. Mirsevjen në familjen blu, Dejvi Bregu!” – shkruan klubi.
28-vjeçari rikthehet në Shqipëri, ku më parë ka mbajtur veshur fanellën e Flamurtarit, Luftëtarit, Skënderbeut dhe Teutës.
Gjithashtu, Bregu ka luajtur edhe në Turqi me Boluspor dhe Umraniyespor, ndërsa së fundmi është aktivizuar në Poloni me ekipin e Wisla Krakow.
