Prokuroria e Posaçme (SPAK) ka dërguar disa letërporosi për autoritetet në Belgjikë dhe në Francë.
Burime për mediat bëjnë me dije se SPAK kërkon që të identifikohen kodet e “SkyECC” në kuadër të hetimeve për çështjen “Toyota Yaris”, ku u vu në pranga ish-kreu i Prokurorisë së Vlorës Aurel Zarka si dhe u lëshuan dhe 3 urdhër-arreste të tjerë.
Bëhet fjalë për dosjen ku u gjetën 3.4 milionë euro brenda dy automjeteve të importuara nga Belgjika, të cilat dyshohet se ishin para të fituara nga aktiviteti kriminal.
Zarka dhe tre të tjerët dyshohet se kanë ndikuar për të pushuar këtë çështje dhe për të liruuar të akuzuarit, si dhe akuzohen se kanë ndikuar dhe në disa dosje të tjera.
Sipas akuzave të opozitës, nga bisedat e “Sky Ecc” dalin dhe disa emra të tjerë të njohur të drejtësisë që kanë ndikuar në çështje të caktuara.
