Dinamo nuk i ndal miqësoret në Itali, aty ku po kryen edhe fazën përgatitore. Pasi mposhti Reggianan me rezultatin 1-0, tashmë dinamovitët do të zbresin në fushë për një tjetër sfidë miqësore.
“Blutë” do të përballen me ekipin italian të Virtus Castelfranco. Këta të fundit janë një skuadër amatore, të cilët militojnë në Serie D. Madje në sezonin e fundit, Virtus Castelfranco u rendit në vendin e 17-të (parafundit) në tabelën e renditjes.
Sfida mes Dinamos dhe Virtus Castelfranco do të zhvillohet të shtunën e 2 gushtit. Kjo ndeshje që do të luhet në stadiumin “Stadio Ferrarini Castelfranco”, do të startojë në orën 19:00.
