Një 22-vjeçar është marrë peng dhe dhunuar nga babai i ish të dashurës dhe dy persona të tjerë në Tiranë.
U bë me dije se tre autorët e kanë marrë në mjet 22-vjeçarin nga një lokal dhe e kanë dërguar në Shëngjergj, ku e kanë dhunuar fizikisht.
Policia ka arrestuar tre personat me iniciale A. Ç., 41 vjeç, A. Ç., 38 vjeç, dhe E. K., 27 vjeç, të cilët akuzohen për veprën penale “Heqja e paligjshme e lirisë” kryer në bashkëpunim.
“Specialistët për Hetimin e Krimeve të Komisariatit të Policisë Nr. 1 arrestuan shtetasit A. Ç., 41 vjeç, A. Ç., 38 vjeç, dhe E. K., 27 vjeç, të tre banues në Tiranë, për veprën penale “Heqja e paligjshme e lirisë” kryer në bashkëpunim, parashikuar nga neni 110/25, i Kodit Penal. Këta shtetas, në bashkëpunim me njëri-tjetrin, kanë marrë forcërisht në automjet, një 22-vjeçar, dhe kanë ushtruar dhunë ndaj tij, për motive të dobëta”, njofton policia.
