Duket se urbanët e linjës “Green Line” të Nadir Caushollit, nuk mund t’iu qëndrojë larg aksidenteve në kryeqytet.
Ditën e djeshme, një urban “Green’ i linjës së Astirit, ka përplasur autobusin e Kombinatit. Ngjarja ka ndodhur paraditen e të mërkurës në qendër të kryeqytetit në një stacion urbani.
Nga aksidenti nuk ka pasur të lënduar, por vetëm dëme materiale tek të dy autobusët.
Kujtojmë që herë që ‘Green Line’ shkakton aksident në Tiranë. Në 29 prill të vitit 2022, një nga urbanët e ‘Grean Line’ përfundoi në lumin Lana, ku 5 pasagjerë mbetën të plagosur.
Po ashtu, një tjetër autobus i kësaj linje, më 27 shkurt të vitit 2023 shkaktoi një aksident masiv në zonën e Shallvareve, ku u përplasën 9 makina dhe 6 persona mbetën të plagosur.
