Në konferencën pas takimit me krerët e partive politike për zgjedhjet, përvese adresoi mosmarrëveshjet me kryeministrin Kurti, Presidentja Vjosa Osmani nuk ja kurseu kritikat as institucioneve, lidhur më sulmin terrorist të Banjskës.
Ajo tha se është për t’u habitur fakti që ende nuk janë ngritur aktakuza për arrestimin apo kapjen e Milan Radoçiç si organizator i agresionit në Banjskë më 24 shtator të vitit të kaluar.
“Ne nuk mund të presim që Serbia të ndërmarrë hapa të rëndësishëm në ndjekje penale, aktakuza apo burgosje të personave që e kanë kryer aktin e agresionit ndaj Kosovës. A e dini pse? Sepse janë politikanët në krye të Serbisë që e urdhëruar një sulm të tillë…Sa i përket Kosovës, është çështje që është vështirë të kuptohet me gjithë ato dëshmi që janë mbledhur nga policia e Kosovës, nga institucionet e inteligjencës…dhe deri më tani të mos ketë aktakuzë.”
