Politologu Ilir Kalemaj tha se kryeministri Rama nuk dha asnjë arsyetim në Kongresin e PS, për ndryshimet në qeveri.
Duke vijuar më tej, Kalemaj theksoi se Kongresi i së dielës, ishte i disati që bëhet me formën dhe jo me përmbajtjen.
Rama nuk dha asnjë arsyetim. Për ata që ndoqën fjalimin, dhe për ata që na ndjekin tani, në një orë e ca kryeministri në këtë Kongres që mblodhi, sepse i kapi të gjitha gafil, përfshirë Sekretarin e Përgjithshëm, përfshirë kreun e Grupit Parlamentar, përfshirë dhe ministrat. Askush nuk di asgjë. E thanë dhe vetë ata. Klosi tha është ekskluzivet i kryetarit s’ka pse të na pyesë. Peleshi tha se unë jam në politikë, është normale, kryeministri i di të gjitha. Vetëm në një vend të Afrikës Nënsahariane mund të shprehet një ministër me këtë gjuhë.
Ky është i disati Kongres që bëhet me formën dhe jo me përmbajtjen. Kryeministri mbajti fjalën për 1 orë e ca. Po i referohem kryeministrit. Çfarë tha ai në lidhje me sfidat e mëdha të kësaj dekade që po përballet Shqipëria, në lidhje me integrimin në BE, jemi më afër apo më larg, rezulton që s’kemi hapur edne asnjë kapitull.
Në lidhje me shpopullimin, një dramë sociale e jashtëzakonshme.
