Vijon të jetë e rënduar situata nga zjarret në Shëngjin pavarësisht se në operacion për shuarjen e zjarreve janë angazhuar edhe avionët e posaçëm.
Mësohet se është kërkuar evakuimi i banorëve të lagjes së Portit. Shkak është fakti se pranë saj ndodhet një depozitë gazi 5 mijë litërshe.
Gjendja në zonën e Shëngjinit u përkeqësua prej pasdites së djeshme, ndërsa sot flakët iu afruan zonës së plazhit, madje duke djegur disa çadra dhe shezlone të një resorti.
