Një aksident automobilistik është regjistruar mëngjesin e kësaj të hëne tek nënkalimi i Shkozetit në Durrës.
Nga informacionat paraprake mësohet se drejtuesi i një biçiklete është përplasur nga një makinë dhe për pasojë ka mbetur i plagosur. Bëhet fjalë për shtetasin Bektash Zere, i cili është dërguar me urgjencë në spital për të marrë ndihmë mjekësore dhe ndodhet jashtë rrezikut për jetën.
Ndërkohë, ai është përplasur nga automjeti që drejtohet nga shtetasi Elis Dalipaj. Nga hetimet paraprake dyshohet se Bektash Zere i ka prerë rrugën me biçikletë këtij të fundit.
Policia ndodhet në vendin e ngjarjes dhe po punon për zbardhjen e plotë të rrethanave të aksidentit.
