Policia ka identifikuar një prej autorëve të vendosjes së tritolit në derën e banesës së shtetasit Robert Gera në orët e para të mëngjesit të sotëm në Shkodër.
Autoritetet policore të Shkodrës raportojnë se bëhet fjalë për shtetasin me inicialet L. M., për të cilin vijojnë kërkimet për kapjen e tij.
Ngjarja ndodhi rreth orës 03:36 në lagjen “Mark Lula”. Si pasojë e shpërthimit ka patur vetëm dëme materiale.
Policia raporton se grupi hetimor në bashkëpunim me Prokurorinë është duke punuar për zbardhjen e plotë dhe dokumentimin ligjor të këtij rasti si dhe për identifikimin dhe kapjen e personave të tjerë të përfshirë në këtë ngjarje.
Ndërkohë, vlen të theksohet fakti se 4 minuta para kësaj, rreth orës 03:32 në lagjen “Kongresi i Përmetit” janë djegur dy makinat tip “Benz” dhe “BMW” që ishin në pronësi të Erdi Krajës.
Nga hetimet paraprake, burime bëjnë me dije se ngjarjet nuk kanë lidhje me njëra-tjetrën.
