Një shqiptare është nxjerrë pa shenja jete nga deti pasditen e së shtunë në plazhin e Artemisës në Greqi. Viktima është një 56-vjeçare, identiteti i së cilës nuk dihet ende.
Për ngjarjen është njoftuar Autoriteti Portual i Rafinës. 56-vjeçares i është dhënë ndihma e parë nga një roje plazhi dhe më pas është dërguar me ambulancë në spitalin e Athinës “KORGIALENIO – BENAKEIO E.E.S.” ku është konstatuar vdekja.
Autoriteti Qendror Portual i Rafinës, që kryen hetimet paraprake, ka urdhëruar kryerjen e autopsisë në Laboratorin e Mjekësisë Ligjore dhe Toksikologjisë të Universitetit të Athinës.
