Një jaht ëdhtë përfshirë nga flakët në Turqi, ku si pasojë disja turistë kanë mbetur të plagosur. Bëhet me dije se më shumë se 17 persona prej rreth 100 turistëve kanë pësuar lëndime në bordin e anijes turistike në brigjet e resortit turk të Marmaris, ku tre prej tyre janë në gjendje të rëndë.
Gjithashtu zjarri në anijen turistike Eagles shkaktoi evakuimin e 96 pasagjerëve dhe gjashtë anëtarëve të ekuipazhit. Nga 17 të plagosurit, 14 pësuan lëndime të lehta, ndërsa tre shumë rëndë.
Disa turistë të huaj u hodhën nga anija që digjej, ndërsa të tjerë u shpëtuan nga ekuipazhet e jahteve, anijeve dhe rojeve bregdetare aty pranë. Turqia ka nisur hetime rreth incidentit për të përcaktuar shkaqet e zjarrit dhe për të vlerësuar çdo gabim të mundshëm në protokollet e sigurisë ose pajisjet në bordin e anijes.
Hetimi synon të zbulojë rrethanat e zjarrit, të konstatojë përgjegjësinë dhe potencialisht të zbatojë masa më të rrepta sigurie për të parandaluar incidente të ngjashme në të ardhmen.
