Ish-zyrtari i Ministrisë së Mjedisit, Pëllumb Abeshi u paraqit këtë të premte në Prokurorinë e Posaçme (SPAK), ku iu komunikua akuza për “Shpërdorim detyre”, lidhur me inceneratorin e Tiranës.
Abeshi ishte i shoqëruar nga avokati i tij Emir Beta, ndërsa qëndroi rreth 15 minuta në SPAK. Kjo paraqitje e Abeshit në SPAK vjen 7 ditë pasi u lirua nga qelia e paraburgimit.
Më datë 12 Korrik, Gjykata e Posaçme liroi nga qelia Pëllumb Abeshin, i cili mbahej në burg për inceneratorin e Tiranës, për shkak se përfunduan afatet e paraburgimit.
