Policia e Tiranës ka arrestuar një të ri në kryeqytet, i cili akuzohet për trafikim t lëndëve narkotike.
Në kuadër të operacionit policor të koduar “Terminal” është vënë në pranga shtetasi Ardian Ramushi, 35 vjeç, banues në Tiranë. për veprën penale “Prodhimi dhe shitja e narkotikëve”.
Ai është kapur në rrugën “Arben Broci” me një qese me rreth 320 gramë, kokainë, i cili sipas autoriteteve policore furnizonte shpërndarësit që e shisnin në doza më të vogla.
“Shërbimet e Policisë kanë lokalizuar në rrugën “Arben Broci”, shtetasin e lartpërmendur, të cilit gjatë kontrollit fizik, i gjetën rreth 320 gramë lëndë të dyshuar narkotike kokainë. Nga veprimet hetimore ka rezultuar se ky shtetas, pasi siguronte lëndën narkotike kokainë, furnizonte disa shtetas të cilët dyshohet se e ndanin dhe e shitnin lëndën narkotike, në doza. Lënda narkotike, së bashku me një automjet dhe një celular, u sekuestruan në cilësinë e provës materiale.” – thuhet në njoftimin e bluive të Tiranës
Policia njofton se po punohet për kapjen e shtetasve të tjerë të implikuar në këtë veprimtari kriminale. Materialet procedurale i kaluan Prokurorisë së Tiranës, për veprime të mëtejshme.
