Drejtuesi i Departamentit të Shëndetësisë në PD, Ilir Alimehmeti teksa citoi raportimin e KLSH, u shpreh se në këtë raport shprehet qartë sesa nevojë ka shëndetësia për tu përmirësuar.
Alimehmeti tha se në spitalin onkologjik ka mungesë të stafit, të infrastrukturës gjithashtu, ku theksoi se në raport thuhej se janë gjithsej 19 poltrona, ndërkohë qe gjatë ditës trajtohen me kimioterapi rreth 75 deri në 80 persona.
“Po të shihni raportin e KLSH,vit pas viti, do e gjeni shumë qartë të shkruar kete dhe thotë që ndërkohë që nga njëra anë ne shohim rritje të rasteve të raportuara zyrtarisht, nga ana tjetër, shohim që nuk rriten investimet në spitalin onkologjik. Pra thuhet qe shpenzimet financiare për rastet e trajimeve tumorale nuk janë rritur por janë mbajtur pothuajse të pandryshueshme,ndërkohë që numri i pacientëvetë diagnostifikuar është në rritje,ky është citim fjalë për fjalë.
Më pas ke mungesën e stafit,të infrastrukturës, të flet shumë qartë për numrin e poltronëve,që janë në numra të vegjël, dhe thotë janë gjithsej 19 poltrona të tipit shtrat virtual ndërkohë qe gjatë ditës trajtohen me kimioterapi rreth 75 deri në 80 persona të cilët nuk janë vetëm nha qarku i Tiranës por nga e gjithë Shqipëria”– u shpreh Alimehmeti për Syri tv.
