Një parcelë me kanabis është zbuluar nga Policia e Krujës, ku ishin të mbjella 80 bimë, teksa si rezultat është arrestuar një 60-vjeçar. Në kuadër të operacionit policor të koduar “Plant 4” është vënë në pranga shtetasi R. Xh., banues në Halil të Fushë Krujës
“Gjatë kontrolleve në vendin e quajtur “Fusha e Mejdanit”, është konstatuar një parcelë me 4 ambiente të përshtatura për kultivim, ku u gjetën 80 bimë të dyshuara narkotike kanabis, të dyshuara të kultivuara nga shtetasi R. Xh. Një pjesë e bimëve u sekuestrua në cilësinë e provës materiale, ndërsa pjesa tjetër u asgjësua me anë të djegies.” – thuhet në njoftimin e Policisë.
Materialet procedurale i kanë kaluar Prokurorisë për veprime të mëtejshme.
