Deputeti i PD-së dhe ish-ministri i Brendshëm, Lulzim Basha ka reaguar për herë të parë pas nisjes së hetimeve të SPAK për “21 Janarin”, ku një prej të akuzuarëve është edhe ai vetë.
Në një konferencë me gazetarët, Basha tha se mbetet në dispozicion të drejtësisë për zbardhjen e plotë të ngjarjes, teksa e mohoi se ka qenë ai që i ka dhënë urdhër Gardës apo të ketë fshirë servarat. I pyetur për rolin e ish-kryeministrit Sali berisha, Basha nuk preferoi të fliste.
Lulzim Basha: Të hetojë gjithçka, në mënyrë të paanshme dhe profesionale. Ky ka qenë mesazhi im në 13 vite dhe ky mbetet mesazhi im. Kam qenë dhe mbetem në dispozicion të çdo akti të drejtësisë për të bërë zbardhjen e plotë dhe drejtësinë për 21 Janarin.
Pyetja: A ke urdhëruar gardën të qëllojë dhe a keni lidhje me fshehjen e serverëve?
Lulzim Basha: Jo dhe jo.
Pyetja: Cili është roli i ish kryeministrit?
Lulzim Basha: Të lëmë SPAK dhe GJKKO të bëjë punën e vet.
