Kryeministri i Greqisë, Kyriakos Mitsotakis ka zhvilluar të hënën në Pallatin Maksimos një takim me eurodeputetin e zgjedhur të Demokracisë së Re, Fredi Belerin.
Kryeministri grek e uroi eurodeputetin për zgjedhjen në Parlamentin Evropian dhe uroi që shumë shpejt ai të dalë nga burgu.
“Kam shumë arsye, i dashur Fredi, të jem i lumtur t’ju mirëpres sot në Pallatin Maksimos. Së pari, më lejoni t’ju përgëzoj për zgjedhjen tuaj si eurodeputet grek, në Bruksel dhe Strasburg, me Demokracinë e Re. Jam i sigurt se do t’i përmbushni plotësisht detyrat tuaja. Shpresoj që shumë shpejt të dilni përgjithmonë nga burgu, të mbyllni këtë kapitull që të mund të ecim përpara”, tha Kyriakos Mitsotakis.
Mitsotakis kërkoi më tej që Shqipëria t’u përmbahet angazhimeve evropiane
“Ne kemi të gjitha arsyet për të kërkuar një Shqipëri që të afrohet më shumë me Evropën, duke respektuar angazhimet e saj evropiane. Mendoj se ky është një qëllim i përbashkët për të cilin të gjithë duam të punojmë”.
