Përveçse spetakolar, Euro 2024 ka qenë një turne ku kanë dalë në skenë emra të rinj të futbollit evropian, të cilët do të jenë disa nga “yjet” më të ndritshëm të këtij sporti në vitet në vijim.
Kjo shihet që nga emri i “diamantit” spanjoll, Lamine Yamal, i cili me praninë në finalen e turneut, theu rekordin që mbahej më parë nga Pele, teksa në moshën 17 vjeç e 1 ditë, ai u bë lojtari më i ri që mori pjesë në një finale të Evropianit apo Kupës së Botës, duke kaluar edhe rekordin që mbante Pele në Botërorin 1958, kur luajti në finale në moshën 17 vjeç e 249 ditë.
Mirëpo, nuk është i vetmi.
Kundërshtar i Yamal në këtë sfidë ështe 19-vjeçari i talentuar i Manchester United, Kobbie Mainoo, i cili me prezencën e tij në fushë që nga minuta e parë e bën këtë finalen e parë në historinë e një Evropiani apo Botërori, me dy adoleshentë, si titullarë.
