Ish-presidenti amerikan Donald Trump u qëllua me armë zjarri gjatë një mitingu në Pensilvani.
Trump po tregonte një grafik të numrave të kalimit kufitar kur u dëgjuan të shtënat mdërsa kandidati i Republikanëve për president u pa i gjakosur nga veshi.
Në një video, e cila qarkulloi menjëherë, Trump vendos dorën në veshin e djathtë dhe më pas shërbimet sekrete ndërhyjnë duke e shtrirë në tokë dhe duke iu hedhur sipër. Disa të shtëna të tjera, derisa ndalojnë.
Trump më pas çohet në këmbë me katër anëtarë të shërbimeve sekrete, të cilët e rrethojnë atë dhe një shenjë demonstrative, i gjakosur në pjesën e djathtë të fytyrës, ngre grushtin lart, duke përjetësuar një shkrepje, e cila bëhet menjëherë faqe e parë e mediave botërore,
Ndërsa pamje të reja po qarkullojnë që i përkasin disa çaste para të shtënave, ku disa prej dëshmitarëve thërrasin: “Ka armë, është mbi çati, qëllojeni!”
