Kryeministrja e Italisë, Giorgia Meloni duket se është “sosur durimi”, teksa ajo dhe liderët e tjerë botërorë po prisnin që presidenti amerikan Joe Biden dhe sekretari i përgjithshëm i Aleancës, Jens Stoltenberg, të hapninditën e tretë të Samitit të NATO-s.
Teksa ishte duke biseduar me presidentin finlandez Alexander Stubb, Meloni fillimisht shikon orën dhe më pas bën një mimikë të çuditshme duke shtrembëruar fytyrën, një shenjë se ajo nuk po duronte më të priste. Reagimi i saj tërhoqi mjaft vëmendje, ndërsa video u bë virale në rrjetet sociale. Biden dhe Stoltenberg erdhën rreth orës 10:40 të mëngjesit.
Kjo nuk është hera e parë që presidenti lë në pritje Melonin. Edhe në takimin e G7 i cili u mbajt muajin e kaluar në rajonin e Pulias në Itali, Biden ishte një nga liderët që mbërriti i fundit.
