Policia në Shkodër ka vijuar operacionin e koduar “Territori i pastër” dhe kanë asgjësuar në total 3561 bimë narkotike në fshatrat Pult dhe Shalë.
Sipas informacioneve të policisë, bimët e kanabisit ishin kultivuar në fshatrat e e Pult-it dhe Shalës.
Policia po punon për identifikimin e shtetasve të implikuar në këtë veprimtari kriminale.
“Nga kontrollet intensive të territorit, goditen raste të tjera të kultivimit të bimëve narkotike, në fshatrat e njësive administrative Pult dhe Shalë.
Shërbimet e Komisariatit të Policisë Shkodër kanë gjetur të kultivuara në territoret e këtyre fshatrave dhe kanë asgjësuar 3561 bimë cannabisi.
Vijon puna për identifikimin, kapjen dhe nxjerrjen përpara përgjegjësisë penale, të shtetasve të implikuar në këtë veprimtari kriminale.”- njofton policia.
Megaoperacioni “Territor i pastër” vijon.
