Censusi më i fundit i popullsisë shqiptare përveç problematikës së shpopullimit të vendit, denoncoi një tjetër problematikë të rëndë që po trondit familjen shqiptare, duke shënuar 34 mijë raste divorcesh në vend.
Avokatja Aurora Marku tregon atë çfarë po ndodh me çiftet shqiptare dhe shkakun kryesor të divorceve në vend.
“Është një problem shumë shqetësues në fakt. Në rrethin e Tiranës rastet e paraqitjes tek avokati për zgjidhje te martesave janë shtuar kohët e fundit.
Sa i përket arsyeve që çojnë në divorc çiftet, dominon shkaku i dhunës në familje, që i detyron partnerët të shkojnë drejt ndarjeve”, u shpreh ndër të tjera avokatja Aurora Marku për oranews.
