Shërbimi i epidemiologjisë ka bërë të njohur rezultatet e analizave të ujit të pijshëm në Bulqizë, të kryera pasi rreth 100 banorë përfunduar në spital me simptoma helmimi si të vjella dhe temperaturë. Nga analizat e ujit të pijshëm ka rezultuar se helmimi nuk ka ardhur për shkak të ujit të pijshëm.
Në raportin e Shërbimit të Epidemiologjisë thuhet se janë marrë mostrat në 7 vende të ndryshme dhe të analizuara mikrobiologjikisht nuk ka rezultuar të ketë ndotje bakterologjike, duke dalë në përfundimin se uji është i konsumueshëm.
Fillimisht u dyshua se banorët, mes të cilëve edhe fëmijë, ishin helmuar nga uji i pijshëm, që mund të ishte përzier me ujërat e zeza. Kjo për shkak se në Qytetin e Ri në Bulqizë, po bëhen punime në rrjetin e ujërave të zeza.
Por tashmë kjo pistë ka rënë dhe nuk përjashtohet mundësia që banorët të jenë helmuar prej ndonjël ushqimi. Pacientët e helmuar nuk janë qenë të gjithë të një lagjeje apo fshati, por të shpërndarë në Bashkinë e Bulqizës.
