Teuta ka filluar të bëjë lëvizjet për të përforcuar radhët e veta.
Klubi durrsak ka njoftuar në rrjetet sociale arritjen e marrëveshjes me Ardit Peposhin i cili kthehet në klub pas 9 vitesh.
Peposhi i dha lamtumirën Erzenit ndërsa tashmë do të jetë pjesë e Teutës së Edi Martinit.
Futbollisti 30-vjeçar ka qenë pjesë e shijakasve dy vitet e fundit por me rënien nga kategoria të klubit, ka vendosur të kthehet te bregdetarët ku ka luajtur në sezonin 2014-2015.
Ndërkohë edhe pse akoma jo zyrtare, Teuta është pranë firmës me mbrojtësin shkodran, Antonio Marku, i cili që nga viti 2019 ishte pjesë e skuadrave të futbollit kosovar, ku së fundmi ka luajtur me Suharekën.
