Presidenti i Republikës, Bajram Begaj ka dekretuar këtë të hënë emërimin në detyrë të Besart Kadisë në postin e Ambasadorit të Shqipërisë në Republikën e Azerbajxhanit, rezident.
Ndërkohë më parë, kreu i shtetit ka liruar Blerta Kadzadej vetëm nga detyra e Ambasadorit të Shqipërisë në Republikën e Azerbajxhanit, jo rezident, e cila aktualisht mban detyrën e Ambasadorit të Shqipërisë në Republikën e Turqisë, rezident, si dhe Ambasadore e Shqipërisë në Republikën e Azerbajxhanit, në Republikën e Kirgistanit, në Republikën Islamike të Pakistanit, në Gjeorgji, në Republikën Islamike të Afganistanit dhe në Republikën e Kazakistanit, jo rezident.
Gjitashtu, Bajram Begaj ka dekretuar këtë të hënë dhe emërimin në detyrë të Artemis Malos në postin e Ambasadorit të Shqipërisë në Kanada, rezident.
Besart Kadia dhe Artemis Malo mbanin më parë postin e zëvendësministrit të Punëve të Jashtme, ku u liruan nga detyra me vendim të Këshillit të Ministrave më 26 Qershor.
